Types of Heart (دل کی قسمیں)

دن: اتوار۔۔۔۔۔۔ تاریخ: 28 جولائی 2019

اتوار کے دن عربی کلاس کے سلسلے میں خواتین آستانے حاضر ہوتی ہیں۔ ہمارا عربی میں ٹاپک تھا 'ع' کلمہ، ع کلمہ پر تینوں حرکات آتی ہیں زبر، زیر اور پیش۔

حضرت نے اسے سمجھانے کے لیے ایک مثال دی، فرمایا جس طرح ع کلمہ تینوں حرکات کو قبول کرتا ہے اسی طرح انسانی دل بھی تین طرح کے ہوتے ہیں:

پانی دل:

  ایسا دل نرم ہوتا ہے ہر ایک جیز کو اپنے اندر شامل کرنے کی صلاحیت رکھتا ہے جیسے پانی اپنے اندر ناپاکی کو بھی شامل کرلیتا ہے، حلال کو بھی، کیڑے کو بھی اور بیج کو بھی۔

 پتھردل:

  ایسا دل پتھر جیسا ہوتا ہے کسی چیز کو اپنے اندر شامل نہیں کرنے دیتا چاہے آپ اس پر پاکی ڈالیں یا ناپاکی، بیج ڈالیں یا پانی، یہ جیسا ہوتا ہے ویسا ہی رہتا ہے بالکل پتھرکی طرح سخت۔

 مٹی دل:

  یہ دل مٹی جیسا ہوتا ہے کچھ سخت بھی اور کچھ نرم بھی۔ مٹی کی نرمی پانی کو اپنے اندر جذب کرنے کی بھی صلاحیت رکھتی ہے اور اس کی سختی اپنے اندر رکھے گئے بیج کی بھی حفاظت کرتی ہے۔

فرمایا، ہمیں اپنا دل پانی اور پتھر جیسا نہیں بنانا بلکہ مٹی جیسا بنانا ہے۔

(حضرت صاحب جیسا فرماتے ہیں میں بالکل ویسا نہیں لکھ پاتی، الفاظ آگے پیچھے ممکن ہے ہو جاتے ہوں اس کے لیے معذرت اور اگر میں کچھ غلط لکھ دوں گی تو حضرت اصلاح کردیں گے جو آپ کو کمنٹ میں مل جائیگا، شکریہ)