پروگرامر: ہماری ذات کا
کل بروز منگل حضرت صاحب کے گھر تشریف لے جانے کی سعادت ملی۔ حضرت کی شاہزادی نورالعین سے کچھ کام کے سلسلے میں ، حضرت سے ملاقات کا شرف بھی ملا۔ حضرت نے بڑی پیاری بات ارشاد فرمائی کہ " کمپیوٹر کے پروگرامز یا کوئی سافٹ وئیر جسے ہم استعمال کرتے ہیں اگر ہم اس کی پروگرامنگ کو ڈسٹرب کردیں اور اسے درست نہ کر پائیں تو کیا ہوگا؟ یقیناً اس پر کیا گیا ہمارا سارے کا سارا کام بکھر جاۓ گا اور خراب ہو جاۓ گا۔ آپ کو لگے گا کہ اب تو یہ کام درست ہو ہی نہیں سکتا۔ لیکن جب آپ اس پروگرام کے ڈیویلپر یا پروگرامر کے پاس جائیں گے تو وہ اسے ایک کلک سے یا اس پروگرام کی سیٹنگ کرکے اسے درست کر دے گا۔ بالکل اس طرح ہم اپنی ذات کی سیٹنگ کو خراب کر دیتے ہیں اور ہمیں لگتا ہے کہ ہم جیسے کبھی اپنی غلطی کو درست نہیں کر پائیں گے، تب کوئی تو ہو جو ایک نظر سے ہماری ذات کے اس بگاڑ کو درست کردے۔ منگل، 9 جولائی 2019
