Saya

دن: جمعرات، تاریخ: 25 جولائی، 2019 شیخ صاحب نے فرمایا: شیخ اپنے مرید کے دل میں ایک ساعت میں 500 مرتبہ نظر فرماتے ہیں۔  (ایک ساعت میں 60 منٹ ہوتے ہیں اور اگر اس کا اوسط نکالا جاۓ تو ہر 5 سے 7 سیکنڈ پر شیخ اپنے مرید کے دل پر نظر کرتے ہیں)

تُم مُجھ میں قائِم رہو اور مَیں تُم میں ۔ جِس طرح ڈالی اگر انگُور کے درخت میں قائِم نہ رہے تو اپنے آپ سے پَھل نہیں لا سکتی اُسی طرح تُم بھی اگر مُجھ میں قائِم نہ رہو تو پَھل نہیں لا سکتے۔

میں فقط چلتی رہی منزل کو سر اس نے کیا  ساتھ میرے روشنی بن کر سفر اس نے کیا اس طرح کھینچی ہے میرے گرد دیوار خبر سارے دشمن روزنوں کو بے نظر اس نے کیا مجھ میں بستے سارے سناٹوں کی لے اس سے بنی  پتھروں کے درمیان تھی نغمہ گر اس نے کیا بے سرو ساماں پہ دلداری کی چادر ڈال دی بے درو دیوار تھی میں مجھ کو گھر اس نے کیا پانیوں میں یہ بھی پانی ایک دن تحلیل تھا قطرہ بے صرفہ کو لیکن گہر اس نے کیا ایک معمولی سی اچھائی کو تراشا ہے بہت اور فکر خام سے صرف نظر اس نے کیا  پھر تو امکانات پھولوں کی طرح کھلتے گئے ایک ننھے سے شگوفے کو شجر اس نے کیا طاق میں رکھے دیے کو پیار سے روشن کیا اس دیے کو پھر چراغ رہ گزر اس نے کیا

19 جولائی بروز جمعہ آستانے میں حاضری دی۔ شیخ صاحب نے فرمایا! " سایہ بلاگ اس لیے تشکیل دیا گیا ہے تاکہ آستانے کا ڈیٹا بیس تیار ہوسکے، لیکن لوگ اسے پتا نہیں کیا سمجھ رہے ہیں۔ لوگ پوسٹ ہی نہیں کر رہے ہیں جبکہ کرنا صرف اتنا ہے کہ حضرت نے جو بات ارشاد فرمائی یا اتنا بھی کہ آپ نے آستانے میں حاضر ہوکر کوئی وظیفہ پڑھا یہ ہی لکھ دیں۔ اگرنوری یہ نہیں کریں گے تو اس طرح بلاگ کا مقصد ہی فوت ہوجاۓ گا۔" 

بروز جمعہ، 12 جولائی آستانہ میں حاضری دی، میں پہلی دفعہ کچھ ڈر کے ساتھ حاضر ہوئی۔ میں نے حضرت کی ایک بات نہیں مانی تھی، نیت میں نافرمانی نہیں تھی۔ حضرت نے فرمایا کہ اگر میں آج حاضر نہ ہوتی تو میری عاقبت برباد ہوجاتی، لیکن یہ بھی کیسے ممکن تھا کہ حضرت مجھے ضائع ہونے دیتے۔   اس ملاقات میں حضرت نے شرک کے مفہوم کو سمجھایا، آپ نے فرمایا! "اللہ ہر گناہ کو معاف فرما دے گا سواۓ شرک کے۔ شرک سے مراد ہے آپ کے دل میں کسی اور کی محبت کا اللہ کی محبت سے زیادہ بڑھ جانا  حتی کہ اگر کسی شخص کے دل میں محبوب رب العزت صلی االلہ علیہ وآلہ وسلم کی محبت، اللہ کی محبت سے زیادہ بڑھ جاۓ تو یہ بھی شرک کے زمرے میں آۓ گا۔" پھر آخر میں ایک بات ارشاد فرمائی! کبھی اپنے شیخ پر کسی اور کو فضیلت نہ دینا ورنہ عاقبت خراب ہوجاۓ گی۔ مکمل دو ہی دانوں پر یہ تسبیح محبت ہے جو آئے تیسرا دانہ یہ تسبیح ٹوٹ جاتی ہے محبت کی نمازوں میں امامت ایک کو سونپو اسے تکنے، اسے تکنے سے نیت ٹوٹ جاتی ہے محبت دل کا ہے سجدہ جو ہے توحید پر قائم نظر کے شرک والوں سے محبت روٹھ جاتی ہے

محبت کا کوئی نعم البدل نہیں نہ پیسا، نہ کاروبار، نہ بینک بیلینس نہ گاڑی، نہ بنگلہ نہ شاہی بس عشق، محبت اپنا پن صرف دل والے ہی اسے دیکھ سکتے ہیں!

شیخ صاحب بلاشبہ ہمارے لیے نعمت ہیں اور ایک قیمتی سرمایہ ہیں ۔اور ہمیں اس کی قدر کرنی ہے۔ بچپن سے ہی میں سست روی اور احساس کمتری کا شکار رہا ، لیکن شیخ صاحب نے مجھے زندگی دی مجھ میں ایک نئی روح پھونکی مجھ میں کرنٹ دیا ۔ جسکی وجہ سے میں کام کا ولی بن گیا اور یہ کام کی ولایت میرے بہت کام آ رہی ہے ۔